Lajme

Vetëvendosje mohon përfshirjen në sulmin me vezë ndaj Përparim Ramës

Lëvizja Vetëvendosje ka reaguar pas sulmit me v

Lëvizja Vetëvendosje ka reaguar pas sulmit me vezë ndaj kandidatit të Lidhjes Demokratike të Kosovës për kryetar të Prishtinës, Përparim Rama, sulm ky që u bë nga një grup të rinjësh që brohorisnin “Vetëvendosje”.

Dega e LVV-së në Prishtinë, thotë se “lajmi” që këta persona janë aktivistë të Lëvizjes Vetëvendosje, është I pavërtetë dhe tendencioz.

Nga kjo degë e partisë thonë se aksionet e aktivistëve të tyre kanë qenë gjithmonë publike, ndërsa veprimet e sotme në Lagjen e Trimave, nuk janë organizuar nga ata.

“Reagim ndaj lajmit të rremë. Sapo u njoftuam nga mediat se disa përsona paskan hedhur vezë në një tubim ku ka qenë prezent kandidatit për kryetar të Prishtinës nga radhët e LDK-së. Këto lajme janë të pavërteta dhe tendencioze. Aksionet e aktivistëve tanë kanë qenë gjithmonë publike. Pra edhe njëherë ritheksojmë së këto veprime nuk janë organizuar nga Lëvizja VETËVENDOSJE!”, thuhet në reagimin e VV-së.

Kandidati i Lidhjes Demokratike të Kosovës për kryetar të Komunës së Prishtinës, Përparim Rama, është sulmuar me vezë gjatë pasdites së sotme. /Insajderi.com