Kronika e Zezë

Shkon në mbi 100 mijë numri i të vdekurve nga COVID-19 në vendin e dytë më të prekur nga pandemia

Me vdekjen e 1.069 personave në Indi në 24 orët e fundit si pasojë e koronavirusit, numri i përgjithshëm i vdekjeve të lidhura me virusin në vend ka shkuar në mbi 100 mijë.

Që nga fillimi i pandemisë, gjithsej 100.842 njerëz kanë humbur jetën pas infektimit me koronavirus, njoftoi Ministria e Shëndetësisë e vendit.

Ndërkaq, vendi ka regjistruar 79.476 raste të reja me COVID-19 në 24 orët e fundit, për ta çuar shifrën e përgjithshme në 6.473.544.

Po ashtu, 5.427.706 njerëz janë shëruar nga virusi deri më tani.

Sipas faqes së internetit “Worldometer”, e cila përpilon të dhënat rreth COVID-19, India është vendi i dytë në botë me numrin më të lartë të rasteve.