Sport

Ronaldo kthehet në Torino për ta kryer kohën e karantinës

Cristiano Ronaldo u dërgua në shtëpinë e tij në Torino për të kryer kohën e karantinës dy javore, pasi autoritetet lokale shpjegojnë pse është mënyra e duhur e veprimit pas diagnozës së tij me COVID-19.

Ylli i Juventusit doli pozitiv gjatë detyrës ndërkombëtare me Portugalinë dhe fillimisht ishte vetë-izoluar në një hotel.

Ai mori një avion privat për të fluturuar përsëri në Torino dhe u ul këtë pasdite, ku më pas u dërgua me ambulancë në shtëpinë e tij në mënyrë që të mund të vazhdonte periudhën e karantinës.

Është faqja zyrtare e Juventusin e cila ka konfirmuar kthimin e Ronaldos në Torino dhe ka shpjeguar arsyen.

“Cristiano Ronaldo u kthye në Itali me një fluturim mjekësor të autorizuar nga autoritetet shëndetësore kompetente me kërkesë të lojtarit dhe do të vazhdojë izolimin e tij në shtëpinë e tij”, thuhet në një deklaratë nga Juventusi.

Bashkëlojtari i Ronaldos te Juve, Weston McKennie gjithashtu rezultoi pozitiv për COVID-19 sot, duke e dërguar gjithë skuadrën në vetë-izolim në J-Hotel.

Në anën tjetër, motra e sulmuesit portugez, Katia Averio, e cilësoi rezultatin e vëllait të tij si mashtrimi më i madh ndonjëherë.