Lajme

Panariti ngre shqetësimin: Peshkimi “kartel”, nxjerr jashtë loje peshkatarët e vegjël

Ish-ministri i Bujqësisë, Edmond Panariti ka ng

Ish-ministri i Bujqësisë, Edmond Panariti ka ngritur shqetësimin për shndërrimin e industrisë së peshkimit në “kartel”.

Përmes një reagimi, Panariti shprehet se peshkatarët e vegjël janë të të pambrojtur dhe të nxjerrë jashtë loje. Ish-ministri kundërshton ligjin e miratuar nga Parlamenti i cili ndalon rinovimin dhe dhënien e licencave të reja të peshkimit, me arsyetimin për të mbrojtur detet dhe oqeanet.

Reklamo bizensin tuaj ketu

“Ky ligj është ligj tipik “karteli” dhe “Monopoli” për të nxjerrë jashtë loje qindra peshkatarë të pa mbrojtur dhe të pa mbështetur të cilët janë nxjerrë jashtë loje për ta përqëndruar peshkun në pak duar. Ata penalizohen çdo ditë me taksa, tatime shtrëngesa, naftë të shtrenjtë, e kufizime, që ti varin sa më shpejt grepat dhe rrjetat dhe tja mbathin“.

Reagimi
Peshkimi, një “kartel” në pak duar që nxjerr jashtë loje peshkatarët e vegjël e të pambrojtur!

Para pak kohe, parlamenti një partiak kaloi ligjin e peshkimit të ndryshuar, i cili ndalon rinovimin dhe dhënien e licensave të reja të peshkimit me arsyetimin qesharak: 

Për të ruajtur detrat dhe oqeanet e botës nga mbipeshkimi! Shqipëria mbipeshkon! Sa qesharake! Sa e pavërtetë! Sa e padrejtë! Mbipeshkon vendi ynë, që peshkimin e ka kryesisht “fasoneri” sepse 70 përqind të peshkut dhe produkteve të detit i importon nga fqinjët Itali dhe Kroaci, vënde të Bashkimit Evropian.

Pra këto vende që na mbytin me peshk, nuk “mbi peshkojnë”, kurse ne jemi ata që po e zbrazim detin.

Ky ligj është ligj tipik “karteli” dhe “Monopoli” për të nxjerrë jashtë loje qindra peshkatarë të pa mbrojtur dhe të pa mbështetur të cilët janë nxjerrë jashtë loje për ta përqëndruar peshkun në pak duar. 

Ata penalizohen çdo ditë me taksa, tatime shtrëngesa, naftë të shtrenjtë, e kufizime, që ti varin sa më shpejt grepat dhe rrjetat dhe tja mbathin.

Por ky ligj dëmton shumë edhe industrinë tonë përpunuese të peshkut dhe prodhimeve të detit, sepse e vendos atë në varësi të plotë furnizimi nga fqinjët, a thua se Shqipëria nuk i ka 400 km vijë bregdetare dhe stok të bollshëm peshku e molusqesh.

Ky ligj ndalon zgjerimin dhe rifreskimin e flotës së peshkimit e cila do të ngurtësojë padrejtësisht kuotat që do të na caktojë BE sapo të të ulemi në bisedime me të dhe që do të varen nga kapacitetet dhe potencialet e peshkimit që kemi.

Këto kapacitete janë të gjymtuara dhe të amortizuara! Tashmë edhe me ligj. BE nuk do ti japë kuota një flote të vogël dhe të amortizuar dhe nga kjo dihet kush përfiton!

Mbi të gjitha, ky ligj dëmton Shqipërinë dhe interesat e saj! Pas 25 Prillit, Qeveria e re e opozitës së Bashkuar duhet ta rrëzojë atë pa hezitim. 


Etiketa: ,