Lajme

Nigeri: Rreth 100 gra dhe fëmijë të rrëmbyer u shpëtuan

Rreth 100 gra dhe fëmijë të rrëmbyer në fillim

Rreth 100 gra dhe fëmijë të rrëmbyer në fillim të qershorit nga persona të armatosur të njohur në vend si “banditë” janë shpëtuar, transmeton Insajderi.

Autoritetet e policisë në Nigeri thanë së ata janë gjetur në shtetin veriperëndimor, Zamfara.

Zëdhënësi i policisë Zamfara, Mohammed Shehu, i tha CNN-it të mërkurën se viktimat, shumica e të cilave janë nëna me gji – u lanë të hënën pasi u mbajtën nga rrëmbyesit e tyre për gjashtë javë.

Ai tha se lirimi i tyre ishte “i pakushtëzuar” dhe asnjë shpërblim nuk u pagua nga shteti.

Viktimat u morën me forcë në robëri më 8 qershor nga njerëz të armatosur që pushtuan fshatin Manawa, në Rrethin Mutunji të Zamfara, tha Shehu.

Zamfara dhe shtetet e tjera fqinje veriperëndimore kanë qenë dëshmitarë të disa rrëmbimeve masive këtë vit, ndërsa rrëmbimi për shpërblim intensifikohet në rajon.

Qindra nxënës të shkollës janë rrëmbyer dhe më pas janë liruar nga bandat kriminale që kërkojnë shpërblim, por shumë qeveri të shtetit mohojnë të paguajnë shpërblim për rrëmbyesit./Insajderi.com