Sport

‘Ndizet’ gara për titull në Superligë, Tirana rrëzon Teutën, Partizani e Vllaznia rrëmbejnë kreun

Superliga ka hyrë në një fazë të ndezur të garë

Superliga ka hyrë në një fazë të ndezur të garës për titull teksa renditja është përmbysur totalisht.



Vllaznia dhe Partizani kanë marrë së bashku kreun falë fitoreve ditën e sotme. Shkodranët mposhtën 2-1 Skënderbeun e Korçës, kurse Partizani ka shpartalluar 4-0 Kukësin.

Nga ana tjetër Teuta ka lëshuar kreun prej humbjes në shtëpi 0-2 ndaj Tiranës. Kryeqytetasit gjithashtu kanë shpresa për titullin pasi tashmë ndodhen vetëm 7 pikë larg.

Edhe Laçi ka pësuar ndalesë, duke barazuar 0-0 ndaj Kastriotit, kurse Bylis ka marrë një fitore me vlera në fund ndaj Apolonisë së Fierit.

Tashmë vendin e parë e mbajnë me 53 pikë Vllaznia me Partizanin, ndjekur nga Teuta me 52 pikë dhe Laçi me 49 pikë. Në garë është dhe Tirana, teksa gara është mëse e hapur për secilin ekip.