Maqedoni

MPB: Qytetarët që votojnë do të mund të marrin letërnjoftimet edhe të shtunën dhe të dielën

Ministria për Punë të Brendshme informon se në

Ministria për Punë të Brendshme informon se në prag të raundit të dytë të zgjedhjeve lokale që do të mbahen të dielën, (31 tetor), banorët e të gjitha komunave që do të votojnë në raundin e dytë do të mund të tërheqin letërnjoftime edhe gjatë ditës së shtunë dhe të diel.

– Advertisements –

Departamenti i Çështjeve Civile, përkatësisht drejtoritë për punë administrative të kësaj njësie organizative në kuadër të MPB-Kumanovë, Veles, Ohër dhe Tetovë me të gjitha njësitë rajonale në kuadër të tyre më 30.10.2021 do të punojnë në pranimin dhe dhënien e letërnjoftimeve me orar të rregullt nga ora 08.00 deri në 16.00.

Ndërkaq nga rajoni i Shtipit do të punojnë njësitë në Koçani, Berovë, Dellçevë, Probishtip dhe Shën Nikollë.

Nga njësitë rajonale në kuadër të Manastirit do të punojnë : Njësiti në Manastir, Resnjë, Demir Hisar dhe Makedonski Brod.

Në rajonin e Strumicës do të punojë njësiti në Strumicë, Gjevgjeli dhe Radovish.

Njëkohësisht, Departamenti për Çështje Administrative në Shkup do të punojë për pranimin dhe dhënien e letërnjoftimeve me orar të rregullt të punës nga ora 08.00 deri në 16.00 vetëm në objektin e RTVM-së më 30.10.2021 (e shtunë).

Të dielën, më 31 tetor 2021, të gjitha njësitë organizative kompetente të listuara do të punojnë vetëm në dhënien e letërnjoftimeve të përgatitura për qytetarët me orar të punës nga ora 07.00 deri në 19.00, duke përfshirë edhe pikat e shpërndara në Shkup (Gjorçe Petrov, Beko, Butel dhe Draçevë).