Lajme

‘Mos luani me zjarrin’, Kina paralajmëron SHBA-në mbi Tajvanin

Kina ka paralajmëruar Shtetet e Bashkuara të Am

Kina ka paralajmëruar Shtetet e Bashkuara të Amerikës “të mos luajnë me zjarrin” për çështjet e Tajvanit pasi Departamenti i Shtetit azhurnoi udhëzimet e tij duke lehtësuar kufizimet në takimet midis zyrtarëve amerikanë dhe homologëve të tyre nga ishulli, të cilat Pekini pretendon si të vetat, transmeton Insajderi.

Duke folur para gazetarëve të martën, zëdhënësi i Ministrisë së Jashtme kineze Zhao Lijian u bëri thirrje SHBA-së “të ndalojnë menjëherë çdo formë të kontakteve zyrtare SHBA-Tajvan, të trajtojnë me kujdes dhe në mënyrë të përshtatshme çështjen dhe të mos dërgojnë sinjale të gabuara për forcat e pavarësisë së Tajvanit në mënyrë që të mos ndikojnë në mënyrë subversive dhe dëmtojnë marrëdhëniet kinezo-amerikane dhe paqen dhe stabilitetin përtej ngushticës së Tajvanit”, raporton Al Jazeera.

Tajvani është çështja territoriale dhe diplomatike më e ndjeshme e Kinës dhe një burim i rregullt i fërkimit midis Uashingtonit dhe Pekinit, i cili kurrë nuk ka përjashtuar përdorimin e forcës për të vendosur nën kontrollin e tij ishullin e qeverisur në mënyrë demokratike.

Komentet e Lijian erdhën pasi SHBA vendosi të premten të azhurnojë udhëzimet e saj për të thelluar marrëdhëniet me Tajvanin, në një lëvizje që tregon gatishmërinë e presidentit Joe Biden për të zyrtarizuar mbështetjen gjithnjë e më të zëshme të SHBA-së për ishullin. /Insajderi.com