Maqedoni

Micotakis: Evropa i mban dyert e hapura për Ballkanin Perëndimor

“Evropa edhe më tej i mban dyert e hapura për Ballkanin Perëndimor dhe se me parakushtet përkatëse, ëndrra për një gadishull të qetë dhe të liri në ekonomi, idetë, lëvizja e njerëzve dhe prodhimeve, mund të bëhet realitet, ndërsa flamuri i Evropës, në ndonjë moment të valëvitet si në Tiranë, ashtu edhe në Shkup”, tha kryeministri grek Kirjakos Micotakis në fjalimin e tij në Samitin në Selanik dhe theksoi se rruga e të gjitha shteteve ballkanike drejt përparimit “ishte dhe është vizion i përbashkët”.

Micotakis më tej u përqendrua në tre drejtimet greke lidhur me Ballkanin dhe Evropën Juglindore: përforcim të marrëdhënieve dypalëshe me të gjitha vendet e rajonit, mbështetje të fuqishme të perspektivës evropiane ndërlidhje në transport, infrastrukturë, energjetikë dhe ekonomi digjitale, ndërsa paralelisht ka zbuluar se shefi i diplomacisë greke përgatit nismë për Shkupin dhe Tiranën.

“Mbështetje të fuqishme të perspektivës evropiane të të gjitha vendeve të Ballkanit Perëndimor. Si anëtare më e vjetër dhe fuqishme e Bashkimit Evropian, Greqia mirë e di rëndësinë e një zgjidhje të tillë. Për këtë i inkurajon shtetet kandidate t’i bëjnë ndryshimet e vështira që do t’i afrojnë deri te Evropa e demokracisë, të drejtësisë, të ekonomisë së hapur. Drejt kësaj synon edhe nisma e ministrit të Punëve të Jashtme, z. Dendias, t’i ftojë kolegët e tij nga Tirana dhe Shkupi në Bruksel në samitin e ardhshëm për Punë të Jashtme të BE-së, duke funksionuar si kanal efikas për komunikim”, tha Micotakis.

Duke folur për perspektivën evropiane të Maqedonisë së Veriut dhe Shqipërisë, Micotakis tha se llogaritë e pastra, bëjnë miq të mirë”, theksoi se është i sinqertë para miqve dhe sqaroi se rruga e të dyja vendeve drejt Evropës “përfshin ndryshime të rëndësishme që duhet të bëhen”, paralelisht duke shfaqur bindje se këto ndryshime do të bëhen.

Loading…