Lajme

Merret vendimi për Fjolla Morinën

Gjykata Themelore në Prishtinë, i ka caktuar ma

Gjykata Themelore në Prishtinë, i ka caktuar masa e paraburgimit prej 40 ditësh këngëtares, Fjolla Morina.

Masa e paraburgimit do llogaritet prej momentit kur Morina është arrestuar me 17 korrik 2021.

Lajmin e ka konfirmuar për Gazetën Online Insajder, zëdhënësja për media nga Gjykata Themelore në Prishtinë, Mirlinda Gashi.

Këtë vendim e ka marrë të mërkurën gjyqtari i procedurës paraprake Agim Kuçi, në prezencën e prokurores Javorka Prilincevic, të pandehurës Fjolla Morina me mbrojtësit e saj, avokat Fehmije Gashi-Bytyqi dhe avokat Fanol Krasniqi si mbrojtës kryesor.

Këngëtarja e njohur shqiptare, Fjolla Morina, mëngjesin e së hënës është arrestuar nga Policia e Kosovës.

Ajo është arrestuar në lagjen Emish në Prishtinë para sallonit të saj.

Fjolla përndryshe është e shpallur në kërkim ndërkombëtar nga Interpoli, pasi mbi të rëndon akuza për trafikim të armëve dhe municionit në Shqipëri.

Kjo vjen si pasojë e një arrestimit të saj vitin e kaluar në pikën kufitare Kosovë-Shqipëri, ku ajo u zu me dy revole në veturën e saj, shoqëruar nga dy bashkëudhëtarë meshkuj./Insajderi.com