Sport

Manchester United fiton ndaj WBA, vendos goli nga penalltia i Fernandes

Manchester United ka arritur të marr një fitore të vështirë ndaj WBA-së në “Old Trafford” me rezultat të ngushtë 1-0.

Ndeshja nisi më mirë për Manchester United që kishte dy raste të mira me Anthony Martialin, por që nuk arriti të shënonte.

Reklamo bizensin tuaj ketu

Edhe WBA provoi të kundërpërgjigjet në pjesën e parë, por edhe përkundër mundësisë me Kyle Bartley, nuk ia dolën.

Pjesa e dytë e solli edhe golin e vetëm të takimit.

Juan Mata harkoi në zonë, ku një mbrojtës i WBA luajti me dorë dhe gjyqtari e gjykoi për penallti.

Nga pika e bardhë ishte i saktë pas dy tentimesh, Bruno Fernandes për 1-0, në minutën e 56-të.

Të dy skuadrat kishte raste pas golit, por rrjetat heshtën, duke bërë që United të marrin fitoren e dytë me radhë.

Me këtë fitore United ngjitet në vendin e nëntë me 13 pikë.