Kult

Lumjetë Havolli me ekspozitë personale në Galerinë e Ministrisë së Kulturës

Hapja e ekspozitës personale e autores Lumjetë Havolli, e titulluar “Is This Me… Or i Do it For You Only!?” do të bëhet këtë javë në Galerinë e Ministrisë së Kulturës, përcjellë KultPlus.

Artistja Lumjetë Havolli, përmes një rrëfimi tejet personal, na ballafaqon me metafizikën e lebetisë, ku shpresa dhe gëzimi marrin kuptimin e njëjtë, ku harmonia dhe çiltërsia, e bukura dhe e brishta identifikohen me njëra tjetrën duke gjetur kuptimin utopik të jetës së pashpresë, frikën nga ardhmëria dhe konfuzionin e botës njerëzore.

Ekspozita, e cila për kurator ka Genc Rezniqin, do të hapet më datë 15 nëntor në ora 19:00 dhe do të qëndroj e hapur deri më 2 dhjetor 2019. / KultPlus.com