Sport

Lista me top 25 lojtarët më të mirë për vitin 2020 – Ronaldo, Messi, Lewandowski: Cili është futbollisti më i mirë në botë?

Pandemia me coroanvirus ka detyruar France Footballin që të anulojë ceremoninë për Topin e Artë, duke lënë peng se cili është lojtari më i mirë në botë.

Në këtë vit të çuditshëm më COVID-19, shumë lojtarë kanë arritur që pavarësisht rrethanave të tregojnë talentin e tyre.

Reklamo bizensin tuaj ketu

Më i dalluari ishte anëtari i Bayern Munichut, Robert Lewandowski që arriti të shënojë 55 gola në të gjitha garat.

Në mungesë të Topit të Artë, Goal.com ka vazhduar me traditën e tyre për ndarjen e çmimit Goal50, derisa aty ka përfshirë edhe femrat.

Më poshtë keni listën me 25 lojtarët më të mirë në botë për vitin 2020:

25# Paulo Dybala

Ylli argjentinas ishte shumë afër të largohej nga Juventusi në verën e kaluar, derisa Tottenhami kishte tentuar të transferonte atë. Por, ai qëndroi në Itali, duke shënuar 17 gola dhe u emërua si lojtari i edicionit në Serie A.

Foto: Goal.com

24# Jadon Sancho

Vetëm 20-vjeçar dhe anglezi arriti që të merrte vëmendjen e të gjithëve me talentin e tij. Manchester United e kërkoi me ngulm transferimin e tij, mirëpo lojtari qëndroi te Borussia Dortmundi, me këta të fundit që kërkojnë 120 milionë euro.

Foto: Goal.com

23# Jordan Henderson

Kapiteni i Liverpoolit kishte një tjetër sezon për të mbajtur mend, derisa arriti të ndihmonte klubin që të fitonte titullin e Ligës Premier pas më shumë se 30 vitesh.

Foto: Goal.com

22# Bruno Fernandes

Mesfushori portugez kaloi në janarin e këtij viti te Djajtë e Kuq për 55 milionë euro nga Sporting Lisbona dhe deri më tani ka qenë ylli i skuadrës me vetëm 22 ndeshje të shënuara, ka realizuar 12 gola dhe ka bërë tetë asistime.

Foto: Goal.com

21# Manuel Neuer

Gjermani është emëruar nga UEFA si portieri më i mirë i këtij viti, duke ndihmuar Bayern Munichun që të fitonte tripletën.

Foto: Goal.com

20# Alphonso Davies

Sensacioni më i ri në futboll arriti që të lë gjurmë në këtë vit me paraqitjen e tij ndaj Barcelonës në Ligën e Kampionëve, ku fituan 8-2, me Lionel Messin që nuk arriti të kalonte kanadezin asnjëherë.

Foto: Goal.com

19# Ciro Immobile

Sulmuesi italian arriti të shënonte 36 gola në Serie A, duke mposhtur Cristiano Ronaldon për Këpucën e Artë në Serie A, por ka fituar edhe Këpucën e Artë në Evropë.

Foto: Goal.com

18# Mohamed Salah

Egjiptiani ishte në mesin e lojtarëve që ndihmuan Liverpoolin që të rikthente titullin e Ligës Premier pas më shumë se 30 vitesh në Anfield, e që realizoi 19 gola dhe 10 asistime.

Foto: Goal.com

17# Erling Haaland

Cilësohet si një fitues i Topit të Artë në të ardhmen. Norvegjezi ka mahnitur të gjithë me formën e tij te Dortmundi, pasi arriti të shënonte 44 gola në 40 ndeshje në edicionin 2019/20.

Foto: Goal.com

16# Serge Gnabry

Gjermani shënoi 23 gola në të gjitha garat për Bayern Munichun, duke e ndihmuar Hansi Flickun që në edicionin e tij të parë si trajner të fitonte tripletën.

Foto: Goal.com

15# Romelu Lukaku

Sulmuesi belg ka arritur t’i heshtë të gjithë kritikët e tij që nga koha te Manchester United, pasi te Interi është shndërruar në një lojtar krejtësisht ndryshe dhe që nga kalimi te Nerazzurët shënoi 34 gola në të gjitha garat.

Foto: Goal.com

14# Trent Alexander-Arnold

Lojtari 22-vjeçar ka treguar edhe një herë klasin e tij, pasi në edicionin e kaluar ishte vital për triumfin e Liverpoolit në Ligën Premier, me 13 asistime.

Foto: Goal.com

13# Sergio Ramos

100 gola për Real Madridin dhe është vetëm një mbrojtës, spanjolli aktualisht vlerësohet si më i miri në histori të futbollit.

Foto: Goal.com

12# Thiago Alcantara

Mesfushori spanjoll jo vetëm që ndihmoi Bayern Munichun që të fitonte tripletën në edicionin e kaluar, por ka arritur të sjell freski edhe në mesfushën e Liverpoolit, me Jurgen Kloppin që ka thënë se Alcantara është një lojtar mjaftë inteligjent.

Foto: Goal.com

11# Joshua Kimmich

Nga një mbrojtës krahu, në një mesfushor defanziv të dalluar – gjermani ka treguar formë të lartë në edicionin e kaluar te Bavarezët, pasi ndihmoi skuadrën të fitonte tripletën dhe me Jose Mourinhon që i thuri lëvdata se ai mund të luajë si numër 6, 8 dhe 10 me kualitetet që ka.

Foto: Goal.com

10# Sadio Mane

Senegalezi ishte po ashtu një lojtar mjaftë i rëndësishëm për Liverpoolin në shpalljen kampion në Ligën Premier me 18 golat e tij.

Foto: Goal.com

9# Thomas Muller

Një lojtar që është konsideruar gjithmonë i nënvlerësuar, por që në sezonin e kaluar me 21 asistimet e tij, la gojëhapur të gjithë dhe shënoi 12 gola.

Foto: Goal.com

8# Karim Benzema

Sulmuesi francez ndihmoi Real Madridi që të fitonte titullin e La Ligës me 21 golat e shënuara, e që mposhtën Barcelonën  në një garë të ashpër.

Foto: Goal.com

7# Virgil van Dijk

Mbrojtësi holandez aktualisht vlerësohet si më i miri në Angli dhe për këtë flasin edhe statistikat e tij te Liverpooli, që ishte njëra ndër skuadrat me më së paku gola të pranuar.

Foto: Goal.com

6# Kylian Mbappe

Sulmuesi francez edhe në këtë vit ishte në tempon e tij të lartë, derisa shënoi 18 gola në 20 ndeshje, me coronavirusin që ndërpreu Ligue 1 në fillim të vitit.

Foto: Goal.com

5# Cristiano Ronaldo

Si 35-vjeçar, portugezi po i mahnitë të gjithë me formën e tij fizike, pasi shënoi 37 gola në 46 ndeshje në sezonin e kaluar, derisa është golashënuesi më i mirë deri më tani në këtë vit me 27 sosh, një më shumë se sulmuesi polak i Bayernit.

Foto: Goal.com

4# Neymar

Ylli brazilian zhvilloi vetëm 15 paraqitje në Ligue 1, mirëpo shënoi 13 gola, derisa impresionojë edhe në Ligën e Kampionëve, duke e dërguar PSG-në në finale, por që u mposhtën nga Bayerni.

Foto: Goal.com

3# Lionel Messi

Ylli argjentinas përjetoi humbjen 8-2 nga Bayerni në Ligën e Kampionëve, por që arriti të bënte 25 asistime dhe 31 gola (25 në La Liga).

Foto: Goal.com

2# Kevin de Bruyne

Mesfushori belg në edicionin e kaluar shënoi 13 gola dhe bëri 20 asistime te Manchester City, duke dëshmuar se është mesfushori më i mirë në qarkullim.

Foto: Goal.com

1# Robert Lewandowski

Sulmuesi polak ka befasuar të gjithë me 55 golat e tij në 47 ndeshje në të gjitha garat, duke rrëmbyer edhe çmimin si më i miri nga UEFA, por që fatkeqësisht nuk e fitoi Topin e Artë, shkaku i coronavirusit. /Telegrafi/