Ballkan

Lavrov viziton Serbinë – planifikon takim me Vuçiqin për të diskutuar për Kosovën

Zgjidhja e çështjes me Kosovën dhe bashkëpunimi ruso-serb, janë dy nga temat kyçe për të cilat ministri i Jashtëm rus Sergey Lavrov, do të udhëtojë për në Serbi.

Vizita e tij në Beograd është paraparë më 28 dhe 29 tetor, ndërsa Sergey Lavrov pritet të takohet me presidentin serb, Aleksandar Vuçiq.

Reklamo bizensin tuaj ketu

Këtë e ka konfirmuar për Tass, zedhënësja e Ministrisë së Jashtme ruse, Maria Zakharova.

”Është planifikuar një takim me presidentin serb si dhe pjesëmarrja në një ceremoni e cila shënon përfundimin e punimeve të brendshme të Kishës së Shën Sava dhe në ndezjen e zjarrit të njohur si përjetshëm në varrezat për çliruesit e Beogradit”, ka thënë ajo, njofton Klan Kosova.

Veç çështjes së Kosovës, temë e diskutimeve do jenë edhe një shkëmbim mendimesh mbi çështjet rajonale dhe ndërkombëtare.