Lajme

Lavrov: Armenia konfirmon marrëveshjen e Nagorno – Karabakhut

Ministri i Punëve të Jashtme të Rusisë, Sergey

Ministri i Punëve të Jashtme të Rusisë, Sergey Lavrov, tha sot se Armenia ka rikonfirmuar angazhimin e saj në marrëveshjen e Karabakut, e cila përfundoi përleshjet e armatosura me Azerbajxhanin më herët gjatë muajit, transmeton Insajderi.

Duke folur në një konferencë për media pas vizitës së tij në Jerevan, ministri Lavrov tha se kryeministri dhe presidenti armen e kuptojnë që marrëveshja nuk ka asnjë alternativë dhe riafirmuan synimin e tyre për ta zbatuar atë.

Reklamo bizensin tuaj ketu

“Njëzëri u theksua se përpjekjet për të vënë në dyshim këtë marrëveshje, jo vetëm brenda por edhe jashtë, janë të papranueshme”, tha ai.

Marrëdhëniet midis ish-republikave sovjetike të Azerbajxhanit dhe Armenisë kanë qenë të tensionuara që nga viti 1991, kur ushtria armene pushtoi Malësinë e Karabakut, një territor i njohur si pjesë e Azerbajxhanit, si dhe shtatë rajone të tjera fqinje.

Përleshjet e reja shpërthyen më 27 shtator dhe ushtria armene vazhdoi sulmet e saj ndaj civilëve dhe forcave azerbajxhanase, madje duke shkelur marrëveshjet humanitare të armëpushimit për 44 ditë.

Gjatë 44 ditëve, Baku çliroi disa qytete dhe afër 300 vendbanime dhe fshatra nga pushtimi armen, raporton Anadolu Agency (AA).

Më 10 nëntor, dy vendet nënshkruan një marrëveshje të ndërmjetësuar nga Rusia për t’i dhënë fund luftimeve dhe për të punuar drejt një rezolute gjithëpërfshirëse. /Insajderi.com