Lajme

Kanada po ndjek shembullin e Australisë sa i përket Facebook-ut

Kanada është gati t’i kundërvihet Facebook-ut,

Kanada është gati t’i kundërvihet Facebook-ut, duke ndjekur shembullin e vendosur nga Australia, e cila filloi një luftë me gjigantin e teknologjisë kur botuesit e vendit mbështetën legjislacionin e propozuar që kërkon pagesa për përmbajtjen e tyre, shkruan Neë York Post, transmeton Insajderi.

Ministri Kanadez i Trashëgimisë, Steven Guilbeault dënoi veprimet e Facebook si “shumë të papërgjegjshme” javën e kaluar kur gjiganti i mediave sociale hoqi të gjithë përmbajtjen e lajmeve australiane nga faqet e tij për hakmarrje.

Guilbeault paralajmëroi se Kanadaja do të kërkojë nga Facebook të paguajë për përmbajtjen e lajmeve nga botuesit kanadezë. Guilbeault është ngarkuar me hartimin e legjislacionit në muajt e ardhshëm që kërkon pagesa nga Google dhe Google Alphabet Inc.

Në Kanada, kritikët e gjigantëve të mediave sociale mirëpritën qëndrimin e vendit në lidhje me gjigandët e teknologjisë. Javën e kaluar, ligjvënësi kanadez Alexandre Boulerice prezantoi një mocion në Dhomën e Komuneve duke dënuar veprimet e Facebook, duke thënë se “kërcënimi i Facebook” nuk ka vend në një demokraci. /Insajderi.cm