Lajme

“Hallakamë” në Sllatinë të Vitisë, shtatë të lënduar nga një rrahje masive – përdoren edhe thikat

Një rrahje masive mes disa personave ka ndodhur dje në mesditë në fshatin Sllatinë e Epërme në Viti.

Policia e Kosovës ka thënë se janë arrestuar pesë të dyshuar, pasi që pas një mosmarrëveshje kishte ardhur deri te një rrahje masive mes disa personave.

Reklamo bizensin tuaj ketu

Me këtë rast shtatë prej tyre kanë pësuar lëndime trupore dhe njëri prej tyre ka lëndime më serioze që dyshohet të jenë plagë nga thika

I njëjti është duke u trajtuar në QKUK, Prishtinë, ndërkaq të tjerët janë duke u trajtuar në emergjencën e Gjilanit.

Në lidhje me rastin është konsultuar prokurori i shtetit, me urdhër të të cilit 4 prej të dyshuarve dërgohen në mbajtje për 48 orë ndërsa i dyshuari i 5-të është në tretman mjekësor në QKUK, Prishtinë.