Sport

“Edhe në Japoni iku organizatori i Lojërave Olimpike pas përplasjes me guvernatoren”/ Veliaj ‘mesazh’ Dukës

Tirana do të mirëpresë finalen e madhe të komp

Tirana do të mirëpresë finalen e madhe të kompeticionit të ri të UEFA-s, Ligën e Konferencës më 25 maj në stadiumin “AIR Albania” ku do të përballen Roma me Fejnordin.



Gjatë një interviste për këtë finale ka folur kryetari i Bashkisë së Tiranës, Erion Veliaj, i cili ka zbuluar dhe axhendën për këtë sfidë në kryeqytet ku gjithashtu ka dhe një mesazh për Presidentin e FSHF-së, Armand Duka:

“Unë nuk i heq asnjë presje akuzave. Ju kujtoj që qeveria e Japonisë, guvernatorja e Tokios kishte debate të jashtëzakonshme me organizatorët e Lojërave Olimpike, por ajo tha që kur të përfundojë Olimpiada, debatet do t’i zgjidhnin. Më vonë iku një nga drejtuesit e Lojërave Olimpike, Komiteti organizator i Tokios. Kjo do të thotë që ka një kohë për çdo gjë. Kjo është një kohë kur në Tiranë bëhet një ndeshje, ku Bashkia e Tiranës ka përgjegjësinë kryesore. Nëqoftëse në stadium janë 90 minuta, kryeqyteti do të përfshihet në 90 orë. Tirana do të ketë tre ‘Fan Zone’. Një zonë tifozerie do të jetë e dedikuar për Fejnordin në pedonalen e Tiranës. Një zonë tifozerie do të jetë te diga e Liqenit Artificial të Tiranës për skuadrën e Romës. Dhe qendra e Tiranës do të jetë një zonë tifozerie për ata që ndoshta nuk janë fanatikët e kësaj ndeshje.”, përfundoi Erion Veliaj për “Report TV”.