Kosovë

Dy të arrestuar për mashtrim dhe falsifikim të dokumenteve

Policia e Kosovës ka arrestuar dy të dyshuar për mashtrim dhe falsifikim të dokumenteve për një pronë rreth 7.5 hektarë ari. 

“Me datë 17.12.2020, në Gërlicë, Ferizaj, Policia e Kosovës, konkretisht Njësitë policore nga Sektori i Hetimeve Financiare, pas pranimit të informacioneve relevante dhe një aktiviteti hetimor kanë arrestuar dy persona të dyshuar meshkujë kosovarë pasi që të njëjtit kishin mashtruar dy viktimat kosovarë lidhur me një pronë prej 7.5 hektarë”, thuhet në njoftimin e policisë.

Sipas njoftimit të dyshuarit këtë pronë e kanë shitur për një milion e nëntëdhjetë e shtatëmijë euro 

“Të dyshuarit kanë falsifikuar dokumentet lidhur me pronën dhe kanë arritur të njëjtën ta shesin në vlerë rreth një milion e nëntëdhjetë e shtatëmijë euro.  Dyshohet që kjo vepër  të jetë  kryer  edhe  në bashkëveprim me tre persona  tjerë shtetas të Republikës së Serbisë. Raportohet se i dyshuari i tretë mashkull kosovar ndodhet në arrati. Të dyshuarit pas intervistimit me vendim të prokurorit janë dërguar në mbajtje, për procedura të mëtejme ligjore”, thuhet më tutje në njoftim.