Lajme

Dogjën një veturë me benzinë, Policia arreston dy të dyshuar në Gjilan

Policia në Gjilan ka arrestuar dy persona të cilët dyshohet se kanë djegur me benzinë një veturë në fshatin Bresalc.


Rasti ka ndodhur mbrëmjen e 24 tetorit, ku në stacionin policor në Gjilan është paraqitur rasti si “Shkaktim i rrezikut të përgjithshëm”.
Lidhur me këtë rast, më 31 tetor, policia ka arrestuar të dyshuarit B.S. dhe E.K.

“Persona te panjohur kishin ndezur me benzin veturën e llojit Golf III, ngjyrë e kaltër me targa 06 pronë e ankuesit po nga ky fshat. Njësitet e hetimeve te stacionit policor te Gjilanit me 31 Tetor 2020 kanë arrestuar të dyshuart B. S.(1983) si i dyshuari kryesor i cili është intervistuar në prezencë të avokatit mbrojtës dhe janë gjetur prova të qëndrushme se ai e ka kryer këtë vepër në tërësi, i ndihmuar nga i dyshuari tjetër E.K., (1998) të dyshuarit me vendim te prokurorit ndalohen në mbajtje për 48 orë në qendrën e ndalimit”, thuhet në njoftimin e policisë.

Policia ka bërë të ditur se për momentin motivet e këti rasti janë duke u hetuar nga Policia e Kosovës njësitet e hetimeve stacioni Policor i Gjilanit.

Reklamo bizensin tuaj ketu