Lajme

Babai nga Vushtrria raporton në polici: Dy persona tentuan të ma vjedhin djalin para shtëpisë

Policia e Kosovës njofton për një rrëmbim në te

Policia e Kosovës njofton për një rrëmbim në tentativë që ka ndodhur të dielën, rreth orës 23:07, në rrugën “Blerim Zuqaku” në Vushtrri, përcjell Insajderi.

Sipas policisë, një person ka raportuar se dy të tjerë të maskuar kanë tentuar të ia rrëmbejnë djalin para objektit ku banon.

“Ankuesi mashkull kosovar ka raportuar se në lagjen ku banon para hyrjes së objektit dy persona të maskuar kanë tentuar që t’ia rrëmbejnë djalin e tij (moshë-11 vjeç), por nuk ia kanë arritur, dhe të dyshuarit janë larguar në drejtim të panjohur. Sipas ankuesit, djali nuk ka nevojë për tretman mjekësor pasi gjendja e tij shëndetësore është e mirë. Nuk dihet motivi i rastit”, thuhet në raportin 24 orësh të policisë.

Lidhur me rastin është informuar edhe prokurori, ndërsa njësitet policore janë duke vijuar hetimet./Insajderi.com