Lajme

Autoritetet në Indonezi konfirmuan gjetjen e nëndetëses së zhdukur, 53 pjesëtarët e ekuipazhit shpallen të vdekur

Ushtria e Indonezisë konfirmoi se nëndetësja e

Ushtria e Indonezisë konfirmoi se nëndetësja e zhdukur është gjetur dhe se të gjithë 53 pjesëtarët e ekuipazhit brenda kanë vdekur, transmeton Insajderi.

Duke folur në një konference shtypi në Bali, shefi ushtarak indonezian Hadi Tjahjanto tha se një imazh që është konfirmuar të jetë pjesë e anijes së mbytur përmban spiranca dhe pjesë të tjera të anijes, duke përfshirë rrobat e sigurisë së ekuipazhit, raporton Anadolu Agency (AA).

Bazuar në prova autentike, ai tha, “mund të thuhet se KRI Nanggala-402 është mbytur dhe i gjithë ekuipazhi i saj ka vdekur”.

Nëndetësja indoneziane u zhduk me ekuipazhin e saj gjatë një stërvitjeje të mërkurën.

KRI Nanggala-402 u ndërtua në Gjermani në vitin 1977 dhe hyri në shërbim në Marinën Indoneziane në vitin 1981. /Insajderi.com