Sport

Atletico mposht Sevilla-n

Atletico e Madridit ka shënuar fitore solide pë

Atletico e Madridit ka shënuar fitore solide përball mysafirëve nga Sevilla me shifrat 2:0, në kuadër të ndeshjes së mbetur në La Liga, njofton Insajderi.

Golin e parë nikoqirët e shënuan në minutën e 17-të me Angel Correa, teksa me rezultat minimal për vendasit u mbyll fraksioni i parë i ndeshjes.

Në pjesën e dytë, ekipi i Simeones do të shënonte edhe një herë tjetër, për të bërë më komode mbylljen e kësaj sfide.

Zëvendësuesi në pjesën e dytë, mesfushori spanjoll Saul do të shënonte për 2:0, kur po zhvillohej minuta e 76-të e ndeshjes.

Me këtë fitore, Atletico përforcon vendin e parë në ligë me 41 pikë, katër më shumë se Real Madrid, edhe pse ‘colchoneros’ kanë dy ndeshje më pak të zhvilluara.

Në anën tjetër, Sevilla mbetet në vendin e gjashtë me 30 pikë. /Insajderi.com