Lajme

Albin Kurti e Vjosa Osmani nënshkruajnë marrëveshje, do të garojnë bashkë në zgjedhje

Kryetari i Lëvizjes Vetëvendose, Albin Kurti dhe Vjosa Osmani, kanë nënshkruar marrëveshje për të garuar bashkë në zgjedhjet e 14 shkurtit 2021.

Kurti me këtë rast, tha se sot kanë nënshkruar marrëveshjen e parimeve, për një shtet me drejtësi dhe pa korrupsion.

“Do të garojmë bashkë në një listë. Kemi bërë marrëveshjen e parimeve, marrëveshje kjo për një shtet me drejtësi dhe pa korrupsion”, tha Kurti.

Ai shtoi se Kosova ka nevojë për një kryeministër të ri, e një presidente të re.  

“Viti 2020 ka treguar se Kosova ka nevojë për kryeministër të ri, por edhe për presidente të re. Ne e kemi një presidente ajo e ka shprehur detyrën me dinjitet. Në këto zgjedhje që janë referendum, duhet ta rilegjtimojmë këtë. Sigurisht që kemi shumë punë përpara, por edhe një fitore të madhe. Jemi të zëllshëm e të palodhshëm”, tha Kurti.