Sport

Agjenda e Kombëtares së Kosovës dhe Suedisë për ditën e nesërme

Kosova dhe Suedia përballen të dielën në stadiumin “Fadil Vokrri” me fillim nga ora 20:45 në kuadër të kualifikimeve për Kampionatin Botëror.

Kombëtarja e Suedisë pritet të arrijë nesër në Kosovë, kurse nga ora 17:30 do të zhvillojë seancën stërvitore.

Më pas, me fiillim nga ora 18:40 do të jetë konferenca për media e Kombëtares së Suedisë.

Ndërkaq, Kombëtarja e Kosovës mban konferencën për media nga ora 18:00, kurse stërvitjen e fillon nga ora 19:00.

Në konferencat për media do të jenë të pranishëm 12 gazetarë që janë akredituar për sallën e konferencave.