Lajme

112 vjetori i Kongresit të Manastirit, Basha: Frymëzim për ta bërë Shqipërinë pjesë të BE

Kryetari i Partisë Demokratike, Lulzim Basha ka

Kryetari i Partisë Demokratike, Lulzim Basha ka kujtuar sot 112-vjetorin e Kongresit të Manastirit, dhe e cilëson si ngjarje frymëzuese për ta bërë Shqipërinë pjesë të pandarë të BE-së.

Në një postim në “Facebook”, Basha shkruan se Kongresi i Manastirit shënon një pikë kthese në Rilindjen Kombëtare dhe mbetet një dëshmi e fortë për nivelin e lartë të pjekurisë kombëtare në një moment të vështirë për shqiptarët.

Reklamo bizensin tuaj ketu

“Sot i kujtojmë me nderim e përulje figurat e patriotëve dhe intelektualëve që organizuan këtë kongres dhe frymëzohemi prej tyre për ta bërë Shqipërinë pjesë të pandarë të familjes europiane”, – shprehet ndër të tjera Basha.

Postimi i kryedemokratit Lulzim Basha në “Facebook”:

Si sot 112 vjet më parë, mbylli punimet Kongresi i Manastirit, një nga ngjarjet më kulmore të historisë sonë kombëtare.

Kjo ngjarje shënon një pikë kthese në Rilindjen Kombëtare dhe mbetet një dëshmi e fortë për nivelin lartë të pjekurisë kombëtare në një moment të vështirë për ne shqiptarët.

150 delegatë të të gjitha përkatësive fetare, nga të gjitha krahinat shqipfolëse dhe të diasporës vendosën gurin e themelit të unitetit tonë kombëtar me alfabetin latin me 36 shkronja që përdorim sot e kësaj dite.

Kongresi shqyrtoi edhe rrethanat delikate politike të asaj kohe duke miratuar një program kombëtar me 18 pika që ngriti në një nivel të ri aspiratat tona kombëtare. Sot i kujtojmë me nderim e përulje figurat e patriotëve dhe intelektualëve që organizuan këtë kongres dhe frymëzohemi prej tyre për ta bërë Shqipërinë pjesë të pandarë të familjes europiane.


Etiketa: ,